حلم
............
برغم بعادك عنى
شفايفى بتناديك
يجى ميعادك تسبقنى
عينيا تطل عليك
دا كفايه حرام
انا رمشى ما نام
صاحبته دمعايه
ان كان يرضيك
تعالالى ف منام
والاسم معايا
............
يا ترى هيجينى
يقول سامحينى
و يطلب ودى
ويكون فى صفى
ويقول نصفى
نحلها ودى
دى سنين عدت قوام
ولا مره قلنا كام
يا حزن ليه تعدى
...........
على دقه قلبى و صوته
من بينك يا ضلوعى
م الفرحه اتحزمتى
ورقصتى يا دموعى
شايفاك واقف قدامى
بتقوللى رجعت وجيت
ومنين ترجع يا غرامى
هو انت كنت مشيت
انا اللى كنت بحلم
وخلاص من نومى صحيت
خلاص من نومى صحيت
.......................................
محمد مكاوى
عضو رابطة الزجالين وكتاب الاغانى
ليست هناك تعليقات:
إرسال تعليق