شبع شطايح / بقلم ادريس جبيلو

شبع شطايح

ياالرايح فين رايح
اللي راحوا ماكتبتهم خبار
ماشميتي ورد فايح
مسامح ف موالين الدار
الطير ٱولدي بالجنايح
شهمو الهجران بالمرار
ف الگيول والصعاصع سايح
لاعوينة لاضل ف الشجار
الصنان ف خيالك رايح
مايصبنو غ فحل صبار
لاتطيش ف الغربة جايح
تقتلك اشواقك بالتعصار
الحرف ف لسانك مايح
كي اللي يبوح للضرار
كلام ينويه نصايح
ف عقولهم داروه شرار
سال الواگف عل الطايح
تسمع شلا عبار
فرح ماشي كي الفرايح
اتجرح بلسان الغيار
يمضي ويوجد للدبايح
قبلة للضحية الغدار
هبل ونطق الفضايح
ماتآمرو عليه بحصار
فسد الترات بالقبايح
عاش ف القبايل عطار
يضلم ويعود يتصايح
كي المضلوم ف بحار
لا عوام لا لوايح
تنقد الروح م الاقدار
همك فيك شبع شطايح
وعقلك منك وفيك مودار
بوترك تغنى ملايح
ف النوطة نغم مااحتار
ياالرايح فين رايح
اللي راحوا ماكتبتهم خبار

بقلم ادريس جبيلو
المغرب