كنت زمان / بقلم محمد مكاوى / عضو رابطة الزجالين وكتاب الاغانى

كنت زمان
.............
كنت زمان غالى علينا
يللى فيك صلى نبينا
طب ناقص ايه يا عقول ناقصه
علم الانجاس فوق الاقصى
عايزين ترقصوا اخر رقصه
بس يموت اخر من فينا
ولا عمر صلاح الدين يرجع
وننادى عليه ولا هو بيسمع
جهز ف ايديك الطوب يابنى
فايتك وحدك غصب عنى
هو سلاحك بيه راح تبنى
ولغير الله اياك تركع
نبكى عليكى وتبكى علينا
يا فلسطين ماهو مش بإدينا
راحت فين ضمايرنا الحيه
الف سلام راحت مش جيه
وهتفضلى وحدك ف الخيه
لسه الدره عايش فينا
كنت زمان غالى علينا
......................................
محمد مكاوى
عضو رابطة الزجالين وكتاب الاغانى