إحساس غريب / بقلم احمد مخيمر

إحساس غريب

إنك تنام وسط الأحبه فحضنهم
وتقوم تلاقي شئ مريب
فجأه الأحبه مش أحبه وشئ عجيب
ومكان ما كان أقرب قريب بتلاقي ديب
واقف ببسمة ناب وطله بصوت رهيب
حتي جدار البيت سراب
ومكانه أصبح علم غيب
والشمس ماتت عن شروقها
كست النهار بضلام مهيب
ومكان دفانا ولعبنا أصبح خراب
مفضلش منه غير رماد ناره لهيب
وخطاوي أحبابك بترسم للفضا
خطوات فراق..... أنهار نحيب
مبقتش عارف البكا كان عالفراق
ولا عشان سبتوني وحدي فحضن ديب
والديب ده أصله من العدا
ولا اتولد من غدر أقربلي قريب

______________________________
احمد مخيمر
ترانيم عشاق
13/7/2017