ملهاش وجود / بقلم / عادل شعبان

حقوق النشر محفوظة 
----------------؛
ملهاش وجود 
-------------؛
تفوت السنين .. تعدى 
مش عارفة رايحة فين
تايهة زى عين الوليد
بيدور على .... أمه
بين كتير قاعدين
تفوت السنين وبكا.. الوليد
ملوش رنين وضايع سجين
وانتى زى ... مانتى
صبية كيف ماكنتى
بتلعبى بعروسة ورق
بتدورى على فردة حلق
ودموع عينيكى دابت ف العرق
ومن يوميها ما شوفتكيش
ادور عليكى ما بلقاكيش
قالولى سافرتى. . وفين روحتى
جواب .... مفيش
وامشى افتش ف الوجوه
ف العيون
ف ضحكة بكر ... احمرت خدودها
وامشى واتوه. ... مجنون
والسكة جمر .. بعيدة حدودها
وما القاكيش .. أرجع مشوار عذابى
ادور على امل ... مش موجود
وانوى أعيش ... اسمع حوار صاحبى
يقولوا حبيبته ... ملهاش وجود
ملهاش وجود .... ملهاش وجود
-----؛
 بقلم / عادل شعبان