خرجت نصيد / بقلم ادريس جبيلو

خرجت نصيد

خرجت للبحور بمراكبي
درت الما صاحبي
ومشيت ف واد حبي
هددني وهرس قاربي
تحايل على شاربي
انا اللي هديتو قلبي
مانويتو يكون قوالبي

خرجت للبحور نصيد
لقيت الحوت ك يتقيد
باغي يحج ويعيد
ف محراب وضربوز السيد
اللي جا غ مليد
ماعرفناه سارح ولا جيد
ولا هارب ل امو بالعويد

خرجت لبحور السما
نقلب على نجوم الما
عيني ركبهم العمى
الحروف غابو ع الكلمة
تخلعت ف منامي الحلمة
تشعترت داك اللمة
والمعنى طير الحكمة

بقلم ادريس جبيلو
المغرب