***** أنا...إنسان... ***** / أحمد أبو عاصم

***** أنا...إنسان... *****

إنسان وغايتى أعيش
وماليش ف التهبيش
قالو عليا..... غشيم
وتفكيرى كله قديم

ياناس أنا ... إنسان
من صنعة ... الرحمن
ليه عايزنى ... أكون
بالدنيا أكون ... مفتون
واﻷخرة ليه .... أبيعها
وبذنبى ....... أضيعها

عايش كأنى ... غريب
وزمانى حاسه عجيب
موازينه ..... إختلت
وسنينى فيه ... ملت

ماعدش ليا ... صحاب
غير ورق .... وكتاب
أكتب ..... وأشكيله
يحكيلى ....واحكيله
يسمعلى ... بإنصات
ويخفف .... اﻵهات

غرام ف قلبى قديم
من غيرهم ابقى عديم
فايدة .... أو قيمة
زى سراب أو غيمة
تمر ... وتعدى
ﻻتنور .. وﻻ تضوى

وعشان أكون ... إنسان
ﻻزم يكون لى ... بيان
أو حتى أسيب .. عنوان
وعنوانى ..... أنا إنسان

أحمد أبو عاصم