بلدنا هنبنيها / بقلم الشاعر علاء زايد

بلدنا

هنبنيها
وبكره نعليها
ونخليها
احلا
من احلا
مدينه
و
هنزرع نخل
ف ضواحيها
والشمس
بامر المولي
هتطرح
دفا فيها
وتدفينا
ف ليالينا

بلدنا
ولادنا
هتعلي
المدنا با ديها
و ب الروح
تحميها
والشيخ
هيصلي امام بينا
ويدعي ربنا
يحمي بلدنا
ويحمينا

وم الليله
مسلم ويا مسيحي
ايديكوا ف ايدينا
نحمي الجامع
و الكنيسه
ونفدي بلدنا
بعنينا

والضليله
والتينه
هتفضل
زاينه سينا
و
اهالينا
الناس الزينه
اغلا مالينا
وام الشهيد
هتفرح من جديد
وتمسح
دموع عنيها
الحزينه
و
هتقطف ورد
وتدينا

لما تلا قينا
بنبنيها
ونعليها
وهنزرع نخل
في ضواحيها
والشمس بامر المولي
هتطرح دفا فيها

بقلم الشاعر / .........علاء زايد
من ديواني