قصيدة ..
ولسه بحلم .. ( 1 )
*****
ولسه بحلم
والحلم يراودني
اشوفكِ يا غالية
بتوبكِ الأبيض
صبية متعافية
والواد الحليوه حبيبكِ
لابس أبيض في ابيض
فوق حصانه الأبيض
يخدكِ علي حصانه
يخدكِ في احضانه
ويطير بيكِ كما الرهوان
وحبايبكِ حواليكِ يزفوكِ
يهنوكِ , يباركوكِ , في يوم فرحكِ
وفي يوم عيدكِ
وأنا واقف أغنيلكِ ,
قصائد حب ما اوفيكِ
واقطف كام ورده متعافية
اقدمهم لك بأيدي في يوم عيدكِ
وأبوس على راسكِ , وأبوس علي ايدكِ
وأبوس علي جبينكِ
وفي عنيكِ الحلوة أنا أتغزل
ولا حد يقدر يوقفني ويرذل
وأحس اني حر ,
وأعيش من غير مر
من غير قيود تكبلني
طير في السماء حر
من غير ما يخاف قناصة
ولا قفص قضبانه زل , العتمة فيه فدادين
واه علي الحلم لما يمر ,
وتكوني انتِ فيه يا حبيبتي
محبوسة جوى الزنازين
وتكوني انتِ السجن والسجان
وتكوني انتِ برضكِ المساجين
بقلم / على حزين
ليست هناك تعليقات:
إرسال تعليق