متغير من بعدك بقلم /على حمدى ابوخوات

لو قالولك انه ضايع
وان نفسه يبقى صايع
وان انتي شبهم بضايع
ومبقاش زى الأول
كدبيهم وابعديهم
دا ف عيونك اتأدب واتحول
من يوم ماشافك واكتشافه
انه تايب عن عمايله
بعد هم وحزن شافه
كل فرح الدنيا جايله
ولو قالولك شعره ليكي
راح لألف بنت غيرك
صدقيهم بس فعلا
وحي كتابته من عبيرك
وحالا انتي سيبتي
وهو بطل ف الكتابه
بس الأغرب انك انتي
وصلتى روحه للكئابه
رغم كنتي ف ليله شمعه
شمعه قايده وماتنطفيش
سيبتي ف عينه دمعه
دمعه بتقتل بشويش

قصيدة : متغير من بعدك
بقلم /على حمدى ابوخوات