شغـــــل اليهــــــود / بقلم الشاعر / حمودة سعيد محمود

( شغـــــل اليهــــــود )

يادى الكسوف .... يادى النهار
أمريكا بدرى ....... إدت قرار
من غير ما يعلم أى حد ...
راحت تدب فى كل دار

يادى الكسوف ... يادى النهار
أول ما دكت فى العراق
دخان كتير وصل الآفاق
عمر العرب مدوا اتفاق
ولا حد منهم استعار
يادى الكسوف ... يادى النهار
أمريكا داست .... ... ع الزرار
قالت لكل المسلمين
ابقوا تمام زى الحريم
...... وإلا يلحقكم دمار
يادى الكسوف ... يادى النهار
أمريكا غطت ع التتار
راحت تدبح فى الجميع
وف كل العرب نزلت تبيع
واللى قالوه ... هو اللى صار
يادى الكسوف ... يادى النهار
وبيل كلينتون ....... دمه فار
وسط الحصار
نزل يجهز فى الجيــــــــــــوش
والـــــوش فيه أصبح بشــــوش
وأول ما شاف صواريخ مونيكا
ساب هدومه ... وقام وطار
يادى الكسوف ... يادى النهار
شغـــــــــل اليهود أصبح هزار

شعر / حمودة سعيد محمود
الشهير بحمودة المطيرى