مقدرش في يوم اعاتبك / بقلم الشاعر / أحمد عبد الرحمن صالح

ق/مقدرش في يوم اعاتبك
ك/أحمد عبد الرحمن صالح
~~~~~~~~~~~~~~~~
يا زمان مش راضي اعاتبك
في حاجات ضيّعتها
~~~~~~~~~~~~~~~
ما كفايه رضيت بهجرك
ودموع حلم انتها
~~~~~~~~~~~~~~~
احزاني بقت في صفك
بأماني كسرتها
~~~~~~~~~~~~~~~
الحب وضاع بغدرك
وشجوني ملكتها
~~~~~~~~~~~~~~~
كان لازم يوم اواجهك
بمشاعر خُنتها
~~~~~~~~~~~~~~~
وسنين ضاعت في وهمك
احلامي قتلتها
~~~~~~~~~~~~~~~~
ازي عاوزني اسامحك
في قلوب دمرتها
~~~~~~~~~~~~~~~~
دأنا لسه بداوي جرحك
في ليالي سهرتها
~~~~~~~~~~~~~~~~
ما صادفتش مره فرحك
في دموع جربتها
~~~~~~~~~~~~~~~~
انساني وسيبني اضحك
لو مت في وقتها
~~~~~~~~~~~~~~~~
ازي يا زماني اعاتبك
وحياتي خسرتها
~~~~~~~~~~~~~~~~
ده مستحيل تخاصمك
قلوب عذبتها
~~~~~~~~~~~~~~~~
انساني وسيبني ارحل
مع حلمي اللي انتها
~~~~~~~~~~~~~~~~