الله يكون في عونك يا شعب يا حمال / بقلم الشاعر / عبد الرحمن فتحي الحناوي .

( الله يكون في عونك يا شعب يا حمال ) .
بقلم أ / عبد الرحمن فتحي الحناوي .
كتبت يوم الأحد الموافق 17 / 9 / 2017.
********************************

 أجدادنا قالوا زمان في الحكم وفي الأمثال *
صوابعك مش زي بعضها كل فولة ولها كيال *
وكل شعب له طاقة واحنا الصحة تهد جبال *
مهما نقابل من صعاب شعبنا ركب المحال *
إصرار وقوة تحمل تتباهي بها الأجيال *
لو حكيت لك عن بطولاته حتقولي ولا في الخيال *
أصله معجون بالصبر من زمن أيوب وبلال *
عمرك شفت زيه شعب ضربوا بيه الأمثال *
يا ( نوبل ) فين جايزتك دا المصري أبو الأبطال *
إرادته من حديد ووقت الخطر زلزال *
الله يكون في عونك يا شعب يا حمال *
******************************