علي فين الايام وخداني / بقلم الشاعر / أحمد عبد الرحمن صالح

ق/علي فين الايام وخداني
ك/أحمد عبد الرحمن صالح
""""""""""""""""""""""""
من بسمة ونظرة يا قلبي
جانا الامل مفقود
""""""""""""""""""""""""
بعيون راح تكتم وتخبي
لحاجات ما ليها شهود
""""""""""""""""""""""""
الشوق زاد مني وتعبني
بين نبض غاب ويعود
""""""""""""""""""""""""
احلام الحب اللي شاغلني
والفكر غاوي شرود
""""""""""""""""""""""""
الحيرة مش عاوزه تسبني
بحنيني اللي مش موجود
""""""""""""""""""""""""
علي فين الحب مدوبني
ده القلب بات محسود
""""""""""""""""""""""""
إياك بالحب تعذّبني
ببعادي اللي مش مقصود
""""""""""""""""""""""""
أنا بعشق والعشق غالبني
في طريق العشق المنشود
""""""""""""""""""""""""
اشجان الليل اللي تاعبني
بأماني ما ليها حدود
""""""""""""""""""""""""
أنا جتلك وهوايا صاحبني
سلمتك بالحب وعود
""""""""""""""""""""""""