مهما كان حبي ليك / بقلم الشاعر / رمضان الخربوطلي

(مهما كان حبي ليك)
شعر غنائي
رمضان الخربوطلي
18/9/2017
..............................
مهما كان حبي ليك
مهما كان شوقي إليك
لوفي يوم حسيت للحظه
إنك انت مش عايزني
يبقى آخر يوم مابينا
عمري ماارجع تاني ليك
.......................
مهما كان الحب غالي
أو سهرنا معاه ليالي
مهما كان حبك في قلبي
مهما كان عايش في بالي
لوفي يوم حسيت للحظه
إنك انت لاتبالي
حانسى حبك وانسى إسمك
وانسى صورتك
حتى طيفك عمره ما يمر بخيالي
مهما كان حبي ليك
يبقى أخر يوم مابينا
عمري ماارجع تاني ليك
..............................
رمضان الخربوطلي