معاشر حجره / بقلم الشاعر / ادريس جبيلو

معاشر حجره

ياالقاري شلا ماتهبش
ف صحف الناس
فلب ف صفحتك ونبش
وقرا قرايتك ب الاحساس
تعرف قدرك نمر ولا مش

ياالداري واش تدري
يلا الواد نشف
ومابقى ماتدري
گول الله يخلف
ولعلفك اشتر يسري
يالرايح طلب تروح بكري
ل قبرك قبل ما تتلف
گروع ف الدوري
اللي شادين عليه الصف
نتسناو دورك ودوري
يالقاري شلا ماتقرا
وشلا ماتجمع ف الهدره
راك معاشر حجره
ماتنبت مااتكرى
ماتعجبك ف نضره
ياالداري داري معروفك
يضوي ف ليل مضلام
يهرب خوفك من جوفك
يصرصر الفرح ف المقام
ويشعشع زهرك بين كفوفك
يالرايح فين رايح
بعد ماتفجرت القوافي
ماانت مسافر سايح
ولا انت مشعل العوافي
علاش من بلادك جايح

بقلم ادريس جبيلو
المغرب