كل ظلم وليه نهاية / بقلم الشاعر / أحمد عبد الرحمن صالح

ق/كل ظلم وليه نهاية
ك/أحمد عبد الرحمن صالح
""""""""""""""""""""""""
حب تاني
صعب الاقي
اللي يخلص لي ف هوايا
""""""""""""""""""""""
صعب أمشي
تاني سكة
والجراح والخوف ورايا
""""""""""""""""""""""
اندفن في القلب حلمه
والاماني بقت شريدة
حتي قلبي مش معايا
""""""""""""""""""""""
كنت لسه يا دوب بغني
بالاماني والحنين
وابتدت نفس الحكاية
""""""""""""""""""""""
صدفه بسمه وكلمه منه
قلب سلم ليه عواطفه
اللي كانت مش كفايه
""""""""""""""""""""""
وابتديت ارسم خيالي
رقة عايشة بين امالي
عشق ناقي مفهش غاية
""""""""""""""""""""""
كنت عايشه بحبه راضية
قلبي عاش يحلم ببكره
فاجئة صدمتني المرايا
""""""""""""""""""""""
عيني تعبت من دموعي
الجراح سكنت ضلوعي
ضلمة سكنت بين سمايا
"""""""""""""""""""""
يلي كنت شاغلي بالي
هان عليك دلوقتي حالي
جي تجرح بالخيانة
""""""""""""""""""""""
ليه قبلت تذل قلبي
ليه تسيبني اموت بحبي
وانت بتزيد الاهانة
""""""""""""""""""""""
بعتني علشان بحبك
خنتني وانا صنت قلبك
يلي ما رعتش الامانة
""""""""""""""""""""""
خُنت كل وعود هوانا
هنتني اكبر إهانة
ليه قابلتك م البداية
""""""""""""""""""""""
بكره ربي ياخُد لي حقي
لما تسقيك الليالي
م الجراح اللي معايا
""""""""""""""""""""""
راح اسيبك للزمن
والدموع اللي بكتها
كل ظالم ليه نهاية
""""""""""""""""""""""
وانت مكتوب لك فراقي
مستحيل زيه تلاقي
اللي توهبلك هوايا