انا شاعر على قدّى / بقلم الشاعر / محمد تاج الدين هيكل

انا شاعر على قدّى
بقلم /  محمد تاج الدين هيكل
 

كلآمى نبض أفكارى
وعُمر المُر ماكان ردّى

واحساسى يدوب قى البوح
ما أنا شاعر على قــــدّى
من الماضى من الحاضر
بتيجى الفكره وتعدّى
وتبقى الكلمه عشقانى
ولا تقدر على بُعدّى
تكون الكلمه شمعايه
لبعض قلوب يدوب تهدى
أشوف م. الشوك أزهاره
ومين يخطب جمال ودّى
كتير الهمْ وآحزانى
شاربها كاسات من الدردى
ساعات الفرح معدوده
وبكتبها بلون وردى
وأحلامى بحجم الكون
بشد الحلم تعب شدّى
أنا أنسان أنا مهموم
ما أنا شاعر على قدّى