محراب فجرك / أيمن الحداد

محراب فجرك
،،،،،،،،،،،،،،،،،،،،،،،
لما كان فجرك اذانى
كنت اقوم اتوضى 
واصلى فى محرابك
ولما يوم هجرك ضنانى
كنت باستعطف دموعى
واتحايل على عيونى
انها تنساك تملى
بس ما كنتش باقدر عليها
وكانت تتحدانى وتزعل منى
انت ازاى عايزنى انسى
اللى جوه الننى
مستحيل ...
دى الحياه بعده مستحيل
ده اللى عشته معاه مش قليل
انسي أنى انسى
ايامى وغرامى
اللى كانوا بيسمعوك
وقت الاذان
لما كان فجرك يبان
ويقوم فى محرابك يصلى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
 أيمن الحداد