اكتب لمين ؟؟؟ / بقلم / عادل شعبان

حقوق النشر محفوظة
------------؛
اكتب لمين ؟؟؟
--------------؛
اكتب لمين 
واقول لمين
ومين يفهم .. ومين يسمع
-----؛
ودن من طين
وودن من عجين
والكلمة صداها .. بيرجع
 ---------؛

كتبت كتير عن العشاق
اللى مفارق واللى اشتاق
واللى يقاسى الم وفراق
واللى من يأسه عينه بتدمع
------؛
كتبت عن اللى عاش مغدور
واللى زمانه عليه بيدور
واللى مصيبته صلف وغرور
حتى الحكمة ماعدتش بتنفع
------؛
كتبت عن مصر وحبها ف القلوب
واللى شايفها تراب وهرم مقلوب
وبيحبها. . بس حبه .... بالشقلوب
وحب العويل. . حب لم يشفع
------؛
كتبت ع الدنيا واحوالها وعجايبها
واللى زاهد فيها وبخاطره سايبها
واللى تلاعبه وهو بالحيل يلاعبها
واللى اغتنى واللى من قوته بيدفع
---------؛
كتبت ..وكتبت لما تعبت م الكتابة
لا عاد حق ولا اتنصفت الغلابة
وكل مادة بتكتر فيها الديابة
كله بأوانه وبكرة الحساب يجمع
------؛
 بقلم / عادل شعبان