بقلم ادريس جبيلو

ماكنت داري

ياداك الجالس ف ضلي
هز عينيك ل فوق
عنقودي ليك مدللي
 يلا شبعان غير دوق

حبيبتي يالباس الجنة
راحة البال والرشوق
رسامك م الهم تهنى
 وهمي ل عقلي موفوق

الله يعطيك من صبري
حقق فيا وساوي الحقوق
ديك الكسية ف الصمايم
 ف الليالي عودها مسعوق

يالالة يازينت لبهى
كلك حلوة وكلك ذوق
قصتك عاشت حلمها
 وانا قصتي زمانها مشنوق

ياسيدي آشنو دنبي
نخرج من دار الوثوق
تابعاك لاولادك نربي
 ش تسالني اداك الملعوق

ماكنت داري وعالم
الكلام ف راسي دار بوق
سمحيلي مانويت حالم
 نخلي العز ونقلب ع الخروق

بقلم ادريس جبيلو
 المغرب