حبل الكذبة قصير،،بقلم،،عبدالله أمحرف

حبل الكذبة قصير،،بقلم عبد اللّٰه أمحرف
شحال من كتبة،،
تبانات على كذبة،،
وشحال من كذبة،،
كانت صغيرة،حبة،،
صاطوها رجعات كربة،،
وشحال من كذبة،،
كحلات القلوب بالزربة،،
خلات العشرة خربة،،
عامرة كره،التربة،،
خالية من المحبة،،
وشحال صنعنا من كذبة،،
ولات الوجوه غير خشبة،،
تشوف غير ليها كسبة،،
تعشق،تكره بلا سبة،،
صار الصادق ، يتخبا،،
صار الكذاب شطبة،،
مايصلاح غبر حطبة،،
كثرات عندنا الكذبة،،،
تولدات الكلمة معطبة،،
الزواج،عتابرناه خطبة،،
والخطبة،دار بلا عتبة،،
الحياة مبنية على كذبة،،
وشحال،من جرح خلا نذبة،،
غارقة،، ما داواوها طبة(أطباء)
لا سباب لا حجاب طلبة،،
مسوسة،بلا ملحة،بلا كذبة
تبقى الكلمة،بحال العتمة،،
 بحال لي عايش ف الظلمة،،

وشحال من كتبة،،
تبنات على كذبة ،،
وشحال من كذبة،،
كحلات قلوب مقربة
خلاتها غير خربة،،
يا خوتي زرعو المحبة،،
أحييو،اليابس من الشطبة،،
صدقوا فالقول،ؤ ف الكتبة،،
رماضرو ا ما تضربوا حسبة،،
راه قصير حبل الكذبة،،
إذا صدقنا فالحديث،ؤ ف الكتبة،،
 حبل الكذبة قصير،،بقلم،،عبدالله أمحرف