قدام المقام*** بقلم السيدابوطاحون
*********
*********
ودخلنا من باب السلام
بعد التحيه والسلام
وقفنا قدام المقام
والدمع نازل م العيون
*********
*********
قلنا يارب ياعظيم
من يغفر الذنب
العظيم إلا العظيم
والدمع نازل م العيون
*********
*********
يارب أنت وعدتنا
نغلط نتوب تغفر لنا
وحضن طه يضمنا
ساعة الزحام
والدمع نازل م العيون
*********
*********
رفعت عيني للمقام
قريت كلام سيدنا الهمام
هيا اسمعوا أغلى الكلام
والدمع نازل م العيون
*********
*********
شفاعتي .. شفاعتي
لاهل الكبائر .. امتي
امتى نتوب ؟
امتى نتوب ؟
التوبه بتهد الذنوب
و الدمع نازل م العيون
*********
*********
يا روضه يا مسك الوصول
صلينا في نور الرسول
والمسك كان ماله مثيل
اوصف ومهما تقول تقول
والفرح يرقص ف العيون
*********
*********
ياعاشقين سيدنا النبي
راح أقول لكم علي مطلبي
نفسي في حفنه من تراب
مشي عليه سيدنا النبي
والفرح يرقص ف العيون
صلوا على مسك الختام
ليست هناك تعليقات:
إرسال تعليق