العش القديم / بقلم الشاعر / أيمن الحداد

العش القديم

افردى جناحك وطيرى
عرفى الكل بمصيرى
مش هاممنى انى ارتبطت
او اتخدعت أما ربطت
يوم مصيرى مع مصيرك
المهم ان قلبى بعد قولك
لسه متعلق أسيرك
ولحد امتى حياتى عندك
لسه مربوطة بحبالك
كل حاجه اتمنتيها حققتهالك
الا حب كبير كان نفسى فيه
من حبالك لوحدك فكتيها
وابتدين من تانى ابنى بيتى
عش تانى يقدر ينسينى بكايا
يمكن حياتى ويا غيرك
تكونلى سلوى لى فى عزايا
والتقيت نفسى فى هواكى
برضه حايم زى طير
حوالين عشه اللى كان بناه
أيام زمان عشى الاولانى
وافتكرت انك جيتى ببساطة
وبكل قسوة قلب وهدتيه
عش الامانى اللى ضيعت
فى بناه عمرى وضيعتيه

بقلمى / أيمن الحداد