الفم محلول / بقلم الشاعر / ادريس جبيلو

الفم محلول

طاحو ريوگ الغول
على زين الفولة
ويلا بغيتو المعقول
واقالله عجباتو السبولة
بالحق خلاتو مهبول
مشلخ ومكتف بالحبولة
لاحس لانفس مقتول
جمعولو صداف الفحولة
گالو الخيل بالخلول
وزادو النبايل مفتولة
وخ الرجل يجول
الطريق بعيدة ومجهولة
حروفها م القلب ماتزول
هي سوارت القفولة
كيف الفم محلول
مبهور فصورة المهبولة
بغى يتسنى الفصول
مادواو ماتقرقبو سطوله
ياربي كيف الوصول
حتى الزيارة مامقبولة
والطبل فالقلب طبول
على حليب البزولة
خلاتو دايع يصول
كانت سبابو نبولة
ضربت شعترت الاصول
كي ضربة القنبلة
والميعاد بقى مقبول
للحلقة التانية م البطولة

بقلم ادريس جبيلو
المغرب