متقولش ليه احـنـا افترقنا / بقلم الشاعر / أحمد عبد الرحمن صالح

ق/متقولش ليه احـنـا افترقنا
ك/أحمد عبد الرحمن صالح
~~~~~~~~~~~~~~
كـده غـبـت أكتر مـن سنة
وفايتني وحـدى بين الالـم
ازي قــــدرت اللـيـل تـنام
بكفايـة طــوّلــت الخصـام
عـمـال بـتـوعــد بالغــرام
والـظـلـم ده أكـبـر حــرام
مبقـتش قــادره ع الكــلام
كل اللي عشته كان ضلام
بين جرح رافض يوم ينام
مبقاش فاضلك غير مـلالم
يا هاجري
~~~~~~~~~~~~~~
ضاعت الاماني الحلوه منا
والليل وشوقه استغنـوا عنا
وليالي رافـضـه نـنول املنا
احـــزان نكـمـلها بمصـيرنا
بشجـــون حكــم فيهـا قدرنا
وهروب ووحده كان قررنا
والحب رافض يجـي دارنـا
ليصيبه نـفـس اللـي كسـرنا
في ليالي غــاب فيها قـمرنا
للــيـأس سلمــنـا وهـجـــرنا
يا هاجري
~~~~~~~~~~~~~~
انـا عشقي كان زي النسيم
انـا كنت ليك اخلـص نـديم
كـان ليا قلب رؤوف رحيم
عاش ليك يداوي كان حليم
لكن انت قلـبـك كـان عديم
م الحب كان مقطـوع عقيم
وكـأنه كـان شيـطان رجيم
سلــمــت قلـبـي لايـــد لئيم
فسقاني كـاس لفــراق ذميم
وكفاية جـرحك كـان عظيم
يا هاجري
~~~~~~~~~~~~~~
متقولش ليه احــنـا افترقـنا
مـا كفايــة بالوهـم اتسرقنا
احـلام ومـاتـت مـن غبائنا
في الكدب كمـلنا وصـدقـنا
اجـمل مـا فينا ليه حــرقـنا
الحـــب عشـمـنـا بفُــرقـنـا
علشان وفـائه مش طريقنا
جــوه الخـيـانــة ليه غرقنا
مبـلاش نـقــول إني عشقنا
غير نفسنا
يا هاجري