زوجة صالحه / بقلم الشاعر / على حمدى ابوخوات

اللي فاضل من حياتك ..
زوجة صالحة تملى عينك
زوجة عايشة ليك لوحدك ..
وتكملك نص دينك 
تبقوا لبعض قرب جدا ..
ومفيش مسافة بينها وبينك
وكل سنينك تبقى ليها ..
وطول حياتها تبقى ليك 
وتبقى تهدي ليك عينيها ..
وانت تصونها بين ايديك
وابقى ليها كل راجل ..
وخليها عندك كل بنت 
مهما كانت هى حالتك ..
هتواسي روحك لو حزنت 
ومهما سكنت ف اى حته ..
هى ف بيتك تقوم بدورك
وتصونك ايام غيابك ..
وللناس تثبت حضورك
وتبقى نورك وسط بيتك ..
تعيش سنينها وتتهنى
تعيش معاها العمر كله ..
وتلاقوا بعض ف الجنة

زوجة صالحه
بقلم / على حمدى ابوخوات