جالك قلب / رمضان الخربوطلي

جالك قلب ياروح قلبي
تنساني ازاي
وانا قلبي ده عمره ماكان
قاسي ولاكان نساي
بقى طاوعك قلبك تنساني
وتسيبني لوحدي في أحزاني
وتزود بعدك حرماني
طب ليه وازاي
جالك قلب ياروح قلبي
تنسى الأحلام
من بعد ماكنا بنتعاهد
أنا وانت ياروحي نحققها
على طول الأيام
وأتاري كنت بتخدعني
ومعيش قلبي في أوهام
طب ليه وازاي
جالك قلب ياروح قلبي
تهجر وتغيب
وتسيب القلب في أحزانه
بين نار ولهيب
ويحس وهو في أوطانه
وكأنه غريب
طب ليه وازاي
.......................
رمضان الخربوطلي
 نشرت بجريدة البحيرة