محمد حلمي

واتفتت معانينا
جوه بعضينا
واتكسرت فينا
خطوط ملامحنا
توهنا ونسينا
هناك خطاوينا
مشلوله رجلينا
احنا مش احنا
كرهنا حكاوينا
ودموعنا في عنينا
والرعشه دي ايدينا
سكنانا دي المحنه
والباشا فاق لينا
نسانا نفسينا
مين احمد ومين مينا
دخنا وطلع ريحنا
فين راحو وفين جينا
بكايه اغانينا
واشعارنا بتشكينا
ولا حد بيسمعنا
علي بابا اسقينا
عطاشا اروينا
امتي تغدينا
الموت مطارحنا
من قله وايدينا
بالزمه تودينا
بر الامان وارمينا
واللمه تروحنا
وهتيفه بتبكينا
وشعرة باط دي وسطينا
تفرعن من فراعينا
 ونغرق احنا في الوحله .........

محمد حلمي