مين قدنا ؟ / حسن رمضان ـ كبير باحثيت بالوعظ بالأزهر الشريف .

مين قدنا ؟
مين قدنا ... مين زينا ؟ ..... مين حظه يشبه حظنا ؟
يعقوب ويوسف شرفونا .... والخلــيل جالنا هنــــــا 
وموسى عاش على أرضنا .... وام اسماعيل دى مننا
راح يرجع الزمن الجميل .... والأزمة مش هتهدنـــا !
.........................................................
إدريس هنــا بـدأ الحضــارة .... خيــط وخــط علــى مهارة
والناس فى أيامه الجميلة ...... اتنافسوا لأجل تبان شطارة
وفى عهد يوسف جت مجاعة .... كــل البلاد عاشت مرارة
ولــولا مصـر وشعبـها ....... الناس كانت راحت فى غـارة
فيه ناس سابتنا لوحدنا .... والأزمة مش هتهدنا !
..............................................................
سيدنا النبى الهادى الرحيم .... من مارية جاب ابنه ابراهيم
وصى الصحابة بقبط مصر .... واللــى أذاهــــم ده أثيـــــــم !
من فتح عمرو وكلنــــــا ..... كارهين لمتعصب لئيـــــــــــم
مهد الحضارة من هنـــا ...... والأزمة مش هتهدنـــــا !
.............................................................
أل النبى اختاروا مصر ....... واستقبلتـــهم زى فجــــــر
على أرضنا دم الصحابة ...... وعلمــا يامــا تعبت حصر
زويل ومحفوظ علمهم ........ مع باز ويعقوب دولا فخر
وكتير بحالهم قالوا لنا ....... الأزمة مش هتهـــدنــا !
 حسن رمضان ـ كبير باحثيت بالوعظ بالأزهر الشريف .