حبر فى ورق / د.هشام الفقى

حبر فى ورق
.................................
هتعيش حياتك كلها حبر فى ورق
يا كل واحد م البشر حبر فى ورق
مولود وكتبوا يوم ما إتولد
اسم وشهادة حبر فى ورق
كل الفلوس كل العقود حبر فى ورق
حتى فى وفاته لازم شهادة حبر فى ورق
وبين ميلاده والنهاية مليون طريق به افترق
والشموس حوله تغيب
وشمس شخصه له شرق
ونجمه فى سماؤه لنا برق
وبحور حياته ووعلوم حياته
فى اللى فاته عاش وغرق
وكل يبنى شخصيته
أسلوب حياته وفكرته
يا كل واحد م البشر
كن ذاتك و كن أثر
إياك من ذاتك تنسرق
وإياك تكون حبر فى ورق
....................................
 د.هشام الفقى