رساله *** بقلم السيدابوطاحون

رساله *** بقلم السيدابوطاحون
*********
حبيبتي وحبى
وأنا لا ولى
ولا آنا نبى
لكني الصبى
اللى سابك و طار
فى عز الليالى
اللى ساكنه النهار
عشان الريال و الدينار
و ابن عمه الدولار الغبى
لكن في الحقيقه
فى أول دقيقه
مسكت الحقيقه
بحبك يا حبي
وحبك في بعدك
بيصهل ويزيد
_________________
بكل السنين اللى ضاعت هبا
قبل ما أخدك فى حضنى
بكل الثوانى اللى مرت عليّ
كما البرق همسه فى حضنك
بكل الثوانى التقيله
فى حضن الليالي التقيله
و انا مش في حضنك
بحبك يا دربي
وحضنك واحشني
وحبك في بعدك
بيصهل ويقيد
__________________
وتعرف نجوم الموانى الحقيقه
وتبقى رقيقه
تطبطب عليه
تخفف عليه
تجفف عينيه
وابعت معاها رساله ل بهيه
انادى و انادى
و احلفها بالله
تطمن فؤادى
و اخد بايدى القمر
ونمشي فى وسط البيوت
إللى نامت
ونسمع صياح الديوك
إللى قامت
عشان الادان
نصلى
وأرفع ايديه لربى
عشان يحرسك
بحبك يا قلبى
بحبك ياحبي
وحبك في بعدك
بيصهل ويقيد
__________________
#رسالة
#الاخنوم
#السيدابوطاحون