كلمات: رمضان الخربوطلي

اللي يحب لمصر الخير# يتعب يعرق يشقى كتير
يزرع يحصد يصنع ينتج# مُش عايزين نحتاج للغير
يبني يعلي يبقى تملي جد في شغله وعنده ضمير
أيوا ساعتها بس نخلي مصر غنيه#
وخيرها كتير
خير حيعود على كل ولادها#مُش راح يبقى فيها فقير
...............................
اللي يحب بلدنا يساهم#أيوا يساهم لو بجنيه
اللي يحب بلدنا وفاهم#أيوا يساهم من غير ليه
أيوا يجود برضاه من ماله#لوكان مصر دي غاليه عليه
مصر دي تبقى كل أماله#تبقى أمانه جوه عنيه
كل مايعمل خير يحلاله#لما حيحصد زرع ايديه
......................
اللي يحب بلدنا يشارك#أيوا يشارك في التعمير
يبني مدارس يبني مصانع يعمل خير من غير تفكير
إيد على إيد أهي برضه تساعد#
يبقى الصعب ساعتها يسير
أصل بلدنا دي غاليه علينا# والله بلدنا عايزه كتير
واللي يحب بلدنا يساهم#أيوا يساهم في التعمير
.........................
 كلمات: رمضان الخربوطلي