يوميات مواطن غلبان الغلا والامل / احمد القاضي

يوميات مواطن غلبان

الغلا والامل
*****************
ماتكتب يا قلم 
ولا انت مكسوف
و عبر عن الألم
كفايه بقي خوف
دا ألم مكتوب
اخف بالوف
عن ألم مكبوت
متكونش مهزوز
ومش مطاوعني
تكتبلي لما أعوز
واوعاك تلاوعني
عاوز تقول ايه؟
تكتب عن الامل؟
هتكتب تقول ايه
معدش فيها امل
قولي أعمل انا ايه
في ضمير واتعدم
اه معلش يا قلم
نسيت ان اتكسر
يا قلم فيك سنك
الكلام دا من زمن
وانت صغير سنك
متقولش غير نعم
يا التهمه جهزالك
خاين عميل متهم
روح ربي فعيالك
متقولش حتي اه
والسعر ف زياده
ولو حتي تنضرب
والمُر بزياده
مهو لازم تنشرب
والدنيا لو تنسال
حلاوه و زبادي
طب الغلا وعيالي
قالوا دا شيئ عادي
بيتي صبح خالي
مش قادر أوكلهم
وكل شيئ غالي
الا انا وعيالي
الحسره ف عنيهم
ما ترحموا شويه
قالوا دا شئ عادي
وكله يبقي تمام
مدام المدام راضيه
وجاكوزي بالحمام
مبسوط معاها.البيه
والدنيا طبقات
دا هم ناس راقيه
واحنا ولاد الايه
اصحوا يا ولادي
نكنس زبالتهم
يمكن مش بلادي
وهي دي بلدهم
واستنوا رمضان
هيتعطفوا علينا
بموائد الرحمن
وباقي السنه لينا
نصومها دي كمان
واللي هيتكلم
حاقد وحاسدهم
انا مش عاوز الوف
ولا فلوس ف بنوك
ولا طمعان في ثروه
عيشة امرا وملوك
ولا حتي العيال تلبس
وياكلوا فراخ وديوك
انا بس عاوزهم
اللقمه حاف يلقوها
ما تقولوا ايه العمل
وتقولي يا ابن الايه
نكتب عن الامل
يا اخي ،،،،،،،،،،،
ولا بلاش،علي ايه
*******************""
 احمد القاضي