مجنون../ الباشا سلطان....

مجنون..
أحلم اني
أكون
ضي
كداب ياخي
شقشق
علينا نهار
والعتمه
جوه الدار
معششه
ومحششه
والحجر كومة
ناااار
والنفس مكتوم
جوه نخاشيش
القوم
مسطول
مايعرف الضلمه
من النور
ولا الزاده
من الزوار
ولا قعده
ولا قومه
ولا دوخة
السكران
ولا شوفة
الملاطيش
ولا بطون جاعت
مستنيه القراقيش
والبدن عريان
والهدمه
حتة خيش
يدوب تدارينا
مع ان
نسينا اسامينا
انت مين فينا
انت تبع احمس
ولا تبع مينا
ولا تبع اللي فرقنا
واللي غرقنا
واللي بالرخيص
باعنا
من يومها
واحنا ضعنا
فاكرين ولا نسيتو
لما اتخرب بيتي
وبيتك وبيته
لما خدتنا التوهه
غربان بتنهش
في الجتت
وكلنا حتت بعضينا
صرنا هش المزاج
لا فكره ولا مضمون
مكسوره العيون
والجوع بيكفر
من قليله
اتهد حيله
والجبان كامش جبان
والديابه
عالبيبان
واقفه تزوم
بس تطلع
او تبص
واللي ناقص
انك تقص
شريط حياتك
وتحكيه
 مواااال مماتك......

الباشا سلطان....