أنا ... مش ندمان عليكى ---------- بقلم / عادل شعبان

حقوق النشر محفوظة 
-----------؛
أنا ... مش ندمان عليكى 
--------------------؛
أنا. .. مش ندمان عليكى 
أنا .... بس خايف عليكى
عشان ماشية ف طريق
آخره. . دموع و حريق
وبحره. . موجه غريق
ونهايته بكا. . ودموع
مش ح تكفيه عينيكى
وأنا ... مش ندمان عليكى
--------؛
استحملت مرار وأسية
ويا جراح بتعذب فية
اتحملت عشان كدة طبعى
وبتحرقنى حرارة دمعى
ولما تعبت وضاقت بية
من لوم قلبى ودمع عينية
لما احترت ازاى ارضيكى
وأنا ... مش ندمان عليكى
----------؛
 بقلم / عادل شعبان